About us

Scoilnet is the Department of Education and Skills (DES) official portal for Irish education. Originally launched in 1998, the website is managed by PDST Technology in Education on behalf of the DES. Scoilnet collaborates with practising teachers to maintain and manage the content on the website. 

Here is an overview of the services and supports we provide to teachers and schools.

Aimsitheoir Acmhainní

Tá bunachar sonraí ar Scoilnet.ie ina bhfuil de bhreis ar 15,000 acmhainn ar líne, lena n-áirítear suíomhanna Idirlín, quizeanna, pleananna ceachta, nótaí, físeáin/fuaim, cluichí agus ilmheáin eile. Féadtar teacht ar ár gcuid acmhainní ón mbosca cuardaigh gorm ag barr gach leathanaigh. Rinneadh forbairt ar Scoilnet.ie mar thacaíocht do mhúinteoirí bunscoile agus iar-bhunscoile agus, ón mbliain 2014 i leith, ligeann sé do mhúinteoirí a gcuid acmhainní teagaisc agus foghlama féin a roinnt agus a uaslódáil. 

Féadtar tuilleadh eolais a fháil faoi acmhainní Scoilnet agus faoi ábhar eile sa rannán, Ceisteanna Coitianta.

Ár Suíomhanna Idirlín Eile

Cuireann Scoilnet comhcheangal ICT leis an teagasc agus leis an bhfoghlaim chun cinn go gníomhach agus, dá bhrí sin, tá baint aige le forbairt ar roinnt suíomhanna Idirlín neamhspleácha lena mbaineann ábharthacht ar leith do churaclam na hÉireann. Rinneadh é sin i gcomhar le forbairt ghairmiúil agus le seirbhísí tacaíochta curaclaim agus le heagraíochtaí ábhartha eile

Tá na suíomhanna seo a leanas san áireamh:

• French.ie – suíomh ina dtugtar tacaíocht don Fhraincis sa tSraith Shóisearach agus sa tSraith Shinsearach.
• German.ie – suíomh ina dtugtar tacaíocht don Ghearmáinis sa tSraith Shóisearach agus sa tSraith Shinsearach.
• Mapaí Scoilnet – uirlis idirghníomhach mapála ina bhfaightear léarscáileanna mionsonraithe Shuirbhéireacht Ordanáis Éireann, léarscáileanna an domhain agus sonraí GIS.
• Webwise – acmhainní feasachta ar shábháilteacht Idirlín do mhúinteoirí, do dhaltaí agus do thuismitheoirí.
• CensusAtSchool – tionscadal idirnáisiúnta ina mbailíonn agus ina n-oibríonn daltaí iar-bhunscoile le fíorshonraí mar chuid den snáithe, Staitisticí agus Dóchúlacht, den churaclam Matamaitice.
• Science Hooks – tionscnamh de chuid OÉ Gaillimh a thugann bailiúchán físeán ina dtaispeántar gnéithe nua suimiúla den Cheimic, den Fhisic agus den Bhitheolaíocht.
• ImageBank – leabharlann grianghraf ina bhfuil grianghraif ag a bhfuil ceadúnais Creative Commons is féidir le múinteoirí agus le daltaí a úsáid agus a roinnt.
• I Am An Artist – áit a dtugtar tacaíocht do na hAmharcealaíona sa churaclam bunscoile.
• Sci-Spy – tionscnamh Eolaíochta a dhírítear ar dhaltaí bunscoile i rang a 5 agus i rang a 6.
• Science Unleashed – físeáin, cluichí, naisc Idirlín agus quizeanna atá mapáilte le curaclam Eolaíochta na Sraithe Sóisearaí.
• Fón Foghlaim ón Nuatheicneoleolaíocht – Tacaíocht d’fhoghlaim, do theagasc agus do mheasúnú na Gaeilge sa tSraith Shóisearach.

Óstáil Suíomh Idirlín/Blaganna Scoilnet

Tá Scoilnet páirteach i soláthar seirbhís óstála suíomh Idirlín/blaganna don uile scoil freisin. Mar thoradh air sin, tá sé níos éasca do scoileanna a suíomh Idirlín nó a mblag a fhorbairt agus a óstáil ar Líonra Leathanbhanda na Scoileanna. Thairis sin, tá sé saor in aisce. Léigh níos mó faoi Óstáil Suíomh Idirlín/Blaganna Scoilnet anseo. 

Cuntais Scoilnet

Féadfaidh múinteoir ar bith atá cláraithe leis an gComhairle Múinteoireachta clárú linn le haghaidh Chuntas Scoilnet. Amach ó naisc nó acmhainní a uaslódáil ar Scoilnet.ie, tugann Cuntas Scoilnet rochtain duit ar ábhar agus ar sheirbhísí ar nós Mhapaí Scoilnet, CensusAtSchool, TeacherCPD.ie agus Óstáil Suíomh Idirlín Scoilnet. Logáil isteach amháin, ach mórán seirbhísí. Comhlánaigh Foirm Chlárúcháin Scoilnet do Mhúinteoirí.

Tá na sonraí pearsanta uile a chuirtear ar fáil san fhoirm seo faoi rún agus daingean agus ní bhainfear úsáid astu ach amháin le rochtain ar sheirbhísí ar líne arna soláthar ag Scoilnet a údarú.